Gitudlo ni Finance Secretary Frederick Go ang tulo ka sektor nga giingong paspas ang pagtubo ug makahatag og daghang trabaho sa mga Pilipino mao ang Business Process Outsourcing (BPO), semiconductor ug electronics manufacturing, ug renewable energy.
Sa pahayag niini sa IMF-World Bank Spring Meetings 2026, sumala ni Go nga padayon ang pagdako sa BPO industry sa Pilipinas, nga karon naglakip na sa artificial intelligence, data analytics, ug IT-enabled services.
Sumala ni Felipe Jaramillo, ang East Asia Pacific dapat mosunod sa modelo sa Pilipinas sa pagbalhin ngadto sa mas high-value services.
Gipasiugda usab ni Go ang kusog nga pagtubo sa semiconductor ug electronics sector, diin ang mga kompanya sama sa Samsung nagdugang og puhunan ug trabaho sa nasud.
Dugang pa, nagkusog usab ang renewable energy projects sama sa wind, solar, ug geothermal energy.
Matud niini nga ang kahuyang sa Pilipinas—ang mga bagyo, kusog nga adlaw, ug mga bulkan diin mahimong himuon nga oportunidad sa energy sector.
Aron mapadayon ang paghatag og trabaho, isinusulong sa gobyerno ang mga reporma sama sa CREATE MORE Act ug Public-Private Partnership Code nga nagpalig-on sa investment ug incentives.
Dugang pa, nag-invest usab ang gobyerno sa edukasyon ug skills training aron maandam ang mga Pilipino sa mga bag-ong industriya.