Gikasuko sa Armed Forces of the Philippines ang agresibo nga kalihukan sa mga barko sa China duol sa Panatag Shoal.
Gibutyag sa AFP nga pagpanghulga matud pa sa siguridad sa mga barko sa Pilipinas sa Panatag (Scarborough) Shoal sa West Philippine Sea ang agresibo ug unsafe maneuvers sa duha ka barko sa Chinese Navy ning mga milabayng adlaw.
Gumikan niini, nagpahigayon dayon og lawful maritime patrol nga operasyon ang Bureau of Fisheries and Aquatic Resources ug Philippine Coast Guard ug Philippine Navy. Giila ang mga barko sa China nga Jiangkai II-class frigates nga adunay bow numbers 554 ug 573, ug usa ka barko sa China Coast Guard nga may hull number 5403.Subay niini, gibana-banaang nahitabo ang pagpangharass sa China, 22 kilometros sa habagatan-sidlakan sa Panatag Shoal niadtong Mayo 5.
Gipahinumdom sa AFP nga ang Panatag Shoal (Bajo de Masinloc), nga 220 km sa kasadpan sa Zambales, usa ka lugar nga tradisyunal nga pangisdaan alang sa mga Pilipino, Vietnamese, ug Chinese, apan kini anaa sa sulod sa exclusive economic zone sa Pilipinas busa angay lamang kining protektahan batok sa langyaw nga mga nasud.
Buot ipadayag sa AFP ngadto sa kagamhanan labi na sa mga foreign relations nga ang gibuhat sa China nakalapas sa international maritime rules ug nagbutang sa mga Pilipinong barko sa peligro ug naglaum kining respondihan sa mga ahensya may kalabot niini alang sa kahapsay ug kalinaw