Nagpahimangno ang PAGASA-Malaybalay nga posibleng mo-landfall karong gabii ang Tropical Storm Basyang sa Surigao del Sur samtang ang Tropical Cyclone Wind Signal No. 2 gipasaka sa pipila ka lugar sa Bukidnon. Sa pakighinabi sa Bombo radyo Mlayabalay kay Engr. Ybonne Mae D. Gabales-Pedraza, Head sa PAGASA-Malaybalay, ang bagyo nagpadulong sa Eastern Mindanao ug nagdala og kusog nga hangin ug ulan.
Lakip sa mga lungsod nga ipalalom sa Signal No. 2 mao ang Malaybalay City, Manolo Fortich, Malitbog, Sumilao, Libona, Baungon, ug Cabanglasan.
amtang padayun sa pag-monitor ang Provincial Disaster Risk Reduction and Management Office (PDRRMO) sa Bukidnon sa kahimtang sa panahon. Sa laing pakighinabi sa Bombo Radyo Malaybalay kay Anecito Torayno Jr., Head sa Warning Division sa PDRRMO, nagpahigayon sila og pre-disaster risk assessment ug nag-coordinate sa tagsa-tagsa ka LGUs. Sa pagkakaron, 15 ka LGUs ang nagsuspende sa klase ug gisugo sa Provincial Governor nga mag-Blue Alert status.
Wala pa’y nadawat nga report sa pagbaha o kadaut, apan giandam ang tanan nga personahe ug response assets alang sa posibleng kalit nga aksyon.
iawhag ang publiko, labi na kadtong nagpuyo sa low-lying areas, nga magbantay ug mag-andam sa posibleng landslide o pagtaas sa tubig. Ang PDRRMO nagpahimangno usab sa paglikay sa mga delikado nga lugar.