Average Farmgate price sa humay sa nasud, mikunhod sa ₱20.84 matag kilo 

Mikunhod sa ₱20.84 matag kilo ang kasagarang presyo sa humay sa mga mag-uuma sa nasud niadtong Septyembre gikan sa ₱22.16 matag kilo niadtong Agosto, matud sa Philippine Statistics Authority (PSA).

Bisan pa sa pagkunhod sa binulan nga presyo, misaka gihapon kini og 33.6 porsyento tandi sa ₱15.60 matag kilo niadtong Septyembre 2025.

Base sa datos, ang Central Visayas ang nakatala sa kinatas-ang farmgate price sa humay nga mikabat sa ₱24.60 matag kilo, samtang ang MIMAROPA ang adunay labing ubos nga presyo nga ₱18.85 matag kilo.

Base sa datos, bisan misaka ang presyo sa humay kumpara sa miaging tuig, adunay gihapoy pagkunhod sa presyo nga nadawat sa mga mag-uuma gikan sa Agosto ngadto sa Septyembre.