Nagpahimangno si Chinese President Xi Jinping kang US President Donald Trump nga mahimong mosangpot sa “giyera o grabeng komprontasyon” ang duha ka nasod kon masayop ang mga lakang bahin sa isyu sa Taiwan.
Gihimo sa Presidente sa China ang maong isog nga pamahayag atol sa ilang pormal nga summit meeting ni Trump sa Great Hall of the People didto sa Beijing. Sa iyang pakigpulong, gihatagan og gibug-aton ni Xi nga ang hisgutanan sa Taiwan mao ang labing sensitibo ug labing importante nga isyu sa relasyon sa US ug China.
Samtang seryoso si Xi sa hisgutanan sa Taiwan, mas nakatutok usab si Trump sa pagpakig-negosasyon aron masulbad ang trade war, ilabi na ang pagpamalit sa China og mga produkto sa agrikultura, enerhiya, ug mga ayroplano gikan sa Amerika.
Nahitabo ang maong pasidaan human giaprobahan sa US ang bilyon-bilyong dolyar nga balor sa armas nga ibaligya ngadto sa Taiwan, butang nga hugot nga gisupak sa China.