Amahan gidunggab sa anak human giapas atol sa panag-inom sa silingan

Gidunggab sa usa ka 53-anyos nga lalaki ang iyang 72-anyos nga amahan human sa panagbangi atol sa inom sa Sitio Beverly Hills, Barangay Dagumbaan, Maramag, Bukidnon alas 7:10 sa gabii niadtong milabayng adlaw.

Sumala sa Maramag MPS, nag-inom ang suspek sa balay sa silingan sa dihang miabot ang biktima, gisaway ug gisugo pauli, dayon giingong gibunalan gamit ang kahoy nga sungkod. Mitubag ang suspek ug dayun gidunggab ang amahan sa tiyan.

Ang biktima gidala sa balay tambalanan ug anaa karon sa medical observation, samtang ang suspek nakakustodiya na sa kapulisan kauban ang nakumpiskang kutsilyo ug sundang.