Nagplano nga mopahulay una og usa hangtod duha ka adlaw ang Pinay tennis star nga si Alex Eala aron mag-recharge human sa iyang pagkagawas sa Round of 16 sa Canadian Open didto sa Toronto, Canada.
Kini human napilde ang 21-anyos nga kampeon sa Olympic gold medalist ug Swiss star nga si Belinda Bencic sa scores nga 4-6, 0-6, nga nagputol sa iyang pito ka sunod-sunod nga kadaugan. Sa dili pa siya mopaingon sa iyang sunod nga kompetisyon sa Cincinnati Open, gipahayag ni Eala nga gamiton niya ang maong mubong panahon alang sa mga simpleng personal nga lakang sama sa pagpagupit sa buhok, pagpakigkita sa mga higala, ug pagpahuway gikan sa pagduwa.
Bisan pa man sa maong pilde, nagpabilin nga positibo ang Filipina tennis pride sa iyang gipakitang aksyon sa milabay nga duha ka semana—lakip ang iyang makasaysayanong kadaugan sa DC Open—ug iyang gipahayag nga iyang dad-on ang mga leksyon nga iyang nakat-onan alang sa mga sunod nga dagkong torneyo.