Gisugyot sa Islamic Revolutionary Guard Corps (IRGC) nga pagahatagan og “complete freedom and authority” ang mga nasud sa Arabia ug Europe pinaagi sa pag-abli sa Strait of Hormuz sa mga nasud nga makapahawa sa mga ambassador sa Israel ug United States.
Samtang gipahimangno usab niini nga dili tugotan ang pag-export sa lana gikan sa rehiyon kon magpadayon ang military actions sa duha ka nasud batok sa Iran.
Ang maong pamahayag gisunod sa komento ni Donald Trump nga posibleng hapit nang matapos ang gubat sa Gulf region kasunod sa mga demonstrasyon sa pagtuboy kang Mojtaba Khamenei isip bag-ong Supreme Leader.
Sa puikas bahin, samatang nagpadayon ang tensyon, misaka sa 120 dolyar kada bariles ang presyo sa lana ug nakaabot sa 119.50 dolyar ang Brent crude, bisan pa man nga niubos kini sa 100 dolyar niadtong Martes, nga kapin 20 porsyento gihapon nga mas taas tandi sa pagsugod sa panagbangi niadtong Pebrero 28.