Giinsister ni kanhi Senador Antonio Trillanes IV nga nakita niini nga ang mga aksyon o rebelasyon nga gihimo sa nagpailang 18 ka mga kanhi sundalo gikaingong usa ka kalapasan sa balaod sa Rome Statute.
Matud sa kanhi mambabalaod, nga ang grupo, lakip ang abogado niini nga si Atty. Levito Baligod, nakalapas, partikular, sa Article 70 sa International Criminal Court.
Ubos sa maong balaod, naglangkob kini sa mga kalapasan batok sa ‘administration of justice’.
Naglakip usab kini sa pagbabag kon obstruction ug pagpanghadlok sa mga testigo ug mga opisyal sa International Criminal Court.
Dugang pa ni kanhi Senador Trillanes, mahimo kining pasakaan og kasong ‘obstruction of justice’ sanglit gibutyag o gipahibalo sa publiko ang pipila ka impormasyon kalabot sa operasyon sa International Tribunal.
Samtang tungod sa na-leak ang pipila ka detalye kalabot niini, gipaambit sa kanhi mambabalaod nga nabutang sa peligro ang mga imbestigador sa maong korte.
Gibutyag sa publiko ang mga identidad ug pangalan sa maong mga indibiduwal, lakip na ang mga witness, nga mabasa usab sa joint affidavit sa 18 ka mga kanhi sundalo.
Kalabot niini, gipasabot ni kanhi Senador Trillanes IV, nga ang surveillance nga gihimo sa grupo, kung tinuod man, wala makalapas sa balaod.
Apan, dili kini makonsiderar nga krimen tungod wala gidili ang paghatag og seguridad sa mga personnel sa International Tribunal.
Giklaro usab niini, nga dili tungod tinuod ang pipila ka bahin sa pamahayag wala magpasabot nga tinuod na usab ang kinatibuk-an niini.
Gihimakak usan niini ang pasangil nga nakadawat kini og $2 milyones alang sa pagtabang sa mga imbestigador samtang anaa sa nasud.