Nangayo na og pasaylo si Quezon City Rep. Bong Suntay human umani og pagsaway ang iyang “sexually suggestive” nga analogy o pagtandi nga naglambigit sa aktres nga si Anne Curtis atol sa usa ka hearing sa Kamara.
Matod ni Suntay, giangkon niya nga sayop ang iyang gihimong ehemplo diin iyang gihisgutan ang iyang “desire” o pangandoy sa aktres samtang nagdepensa sa isyu ni VP Sara Duterte. Miangkon ang magbabalaod nga angayan lang siya sa “backlash” o pagsaway nga iyang nadawat gikan sa publiko ug sa iyang mga kauban sa gobyerno.
Bisan pa man niini, gipasabot ni Suntay nga wala siyay malisya sa iyang gisulti ug tumong lamang niya nga ipakita nga ang “hunahuna” o “imahinasyon” dili mahimong basihan sa usa ka kaso. Sa pagkakaron, giduso na sa House Ethics Committee ang pag-imbestigar sa maong insidente.