Gibutyag ni Presidente Ferdinand R. Marcos Jr. atol sa usa ka press briefing sa Malacañang ang kahimtang sa mga overseas Filipino workers kon OFWs diin matud pa dili pa mapapauli tungod sa kasamtangang tensyon sa Middle East.
Matud sa Presidente, adunay kapin sa 1,400 ka Pilipino sa rehiyon ang nagpadayag sa tinguha nga marepatriate.
Samtang gipahibalo sa gobyerno nga ang repatriation dili pa mahimo sa pagkakaron tungod sa delikado nga sitwasyon sa tensyon, ug aron malikayan ang risgo sa mga komersyal nga eroplano nga mahimong maapektuhan sa mga operasyon militar.
Giawhag usab sa Presidente, ang mga Pilipino sa Middle East nga magpabilin sulod sa panimalay ug likayan ang mga lugar nga delikado, samtang gibuhat pa ang tanang lakang alang seguridad sa mga OFWs ug sa repatriation.
Gikatahong posibleng molungtad og upat hangtod lima ka semana ang gubat, apan nagpadayon ang gobyerno sa pagpangita og mga pamaagi aron mapadali ang pagpauli sa mga Pinoy nga mihangyo sa repatriation.