Nasayran nga halos dili na makalusot ang ubang mga barko sa lana ug gas sa Strait of Hormuz, usa sa importante nga agianan nga nagkonektar sa Persian Gulf nga daghan og lana padulong sa open sea, samtang nagkataas ang tensyon sa rehiyon ug gipahugtan sa Iran ang mga hulga batok sa mga barko nga molabay niini.
Base sa ship-tracking data, pipila ra ka mga sakyanan ang mogawas sa maong waterway, ug walay nakita nga gasulod.
Nasayran usab nga usa ka gamay nga oil tanker ang gisilotan sa Estados Unidos tungod sa pagtabang sa Iran sa pag-export sa lana nga diin gi-target sa amihanan nga baybayon sa Oman, bisan pa man dili klaro kinsa ang nagbuhat sa pag-atake.
Mga hulga sa Persian Gulf
Gipahibalo ni Mohsen Rezaei, miyembro sa Expediency Discernment Council, nga iyang gitambangan ang supreme leader sa Iran sa state television nga “no American ship is allowed to enter the Persian Gulf.”
Aduna usab mga barko nga nagreport nga nakadungog sila og radio broadcast nga gikan sa Iranian navy nga nagbawal sa pagbiyahe sa Strait, bisan wala pa’y opisyal nga pahibalo gikan sa gobyerno sa Iran.
Gitan-aw ang Strait of Hormuz ingon usa sa labing importante nga chokepoint sa merkado sa enerhiya gumikan gibanabana nga 1/5 sa seaborne oil ug liquefied natural gas (LNG) sa kalibutan ang moagi niini adlaw-adlaw.
Mga Shipping Giant, nagsuspinde sa biyahe
Gihulagway sa semi-official nga Tasnim News Agency nga “banned” ang waterway, ug gipahimangnoan nga dili luwas ang pagbiyahe tungod sa pahimangno sa Revolutionary Guard sa Iran.
Tungod niini, gipahibalo sa German container liner nga Hapag-Lloyd AG ang pagsuspinde sa ilang pagbiyahe sa Hormuz tungod sa “official closure.”
Gipahimangno usab sa CMA CGM SA sa France—ikatulo nga pinakadako nga container line sa kalibutan—ang ilang mga barko sa Persian Gulf nga likayan ang ruta ug moagi sa Suez Canal imbes.
Ang Estados Unidos nagpahimangno sa tanang barko nga magpabilin nga 30 nautical miles ang gilay-on gikan sa ilang military assets sa rehiyon.
Gimando usab sa Nippon Yusen KK sa Japan ang ilang fleet nga dili una moagi sa Hormuz, samtang gipasabot sa Greece ang ilang merchant fleet nga susihon pag-usab ang ruta.
Gipahibalo usab ang mga barko nga andam sa paggamit sa “conventional” navigation methods tungod sa posibilidad sa electronic interference—usa ka pahimangno nga gi-uyunan sa UKMTO ug Joint Maritime Information Center.
Dako nga epekto sa pandaigdigang kalakalan
Kung magdugay ang pagkalangan, mahimo kini magdala og dakong epekto sa global oil trade. Bisan pa nga sirado ang futures market kada weekend, usa ka retail trading product sa IG Group Ltd. ang nagpataas sa presyo sa West Texas Intermediate og hapit 9% niining Domingo—timaan sa kabalaka sa merkado.
Importante usab ang Hormuz sa LNG trade.
Ang Qatar, ikaduha nga pinakadako nga LNG exporter sa kalibutan nga naghatag og hapit 20% sa global supply niaging tuig, kinahanglan moagi sa Strait aron mahatod ang kargamento sa Asia ug Europe.
Aduna na usab pipila ka container ships nga mihunong o nag-U-turn samtang nagbiyahe, base sa ship tracking data.
Sumala sa mga shipbroker, aduna’y pipila ka shipowners nga nagplano sa pagkansela sa ilang biyahe paingon sa Middle East gamit ang “war clause” sa kontrata nga naghatag og katungod kon mosugod ang gubat tali sa US ug Iran.
Kini nga lakang posibleng mopahugot pa sa kakulang sa supply sa mga barko sa rehiyon ug mopataas sa freight rates nga bag-o lang miabot sa pinakataas nga lebel sulod sa pipila ka tuig.
Base sa tanker tracking data, nagpadayon ang pagdaghan sa mga barkong temporaryo nga mihunong sa sidlakan sa Hormuz sa halos tibuok semana—usa ka timaan sa nagkadako nga krisis sa usa sa labing importante nga dalan sa enerhiya sa kalibutan.