BFP padayon sa imbestigasyon sa sunog sa Manolo Fortich

Gipadayag sa cnga padayon pa ang ilang imbestigasyon aron matino ang hinungdan sa sunog nga natigayon sa usa ka duha ka andana nga residential nga balay sa Agusan Canyon, Manolo Fortich, Bukidnon kagahapong adlawa.

Ang maong istruktura giingong gipanag-iya ni Regie Dayro, 45 anyos, lalaki, nga siya usab ang gi-report nga casualty sa insidente.

Gilantaw usab sa mga otoridad ang giingong depresyon nga anggulo human sa nahitabong insidente nga matud pa giunay sa biktima ang pagsunog sa iyang kaugalingon lakip ang iyang panimalay.

Matud ni F01 John Ansel P. Labininay, Fire Arson Investigator – BFP Manolo Fortich , light materials ang gigamit sa balay, hinungdan nga dali kaayo nga midako ang kalayo ug hingpit nga naugdaw ang tibuok estruktura.