Miabot na sa baybayon sa Israel ang USS Gerald R. Ford, ang kinadak-ang aircraft carrier sa Estados Unidos, dungan sa pagtugpa sa 20 ka U.S. refueling aircraft sa maong nasod.
Ang pagpakatap niining maong puwersa nahitabo taliwala sa nagkagrabe nga tensyon sa tunga-tunga sa Israel ug Iran.
Bisan pa man kon wala pay opisyal nga kumpirmasyon gikan sa militar sa Amerika, giisip sa mga eksperto kini nga lakang isip usa ka lig-ong senyales sa nagpadayong suporta sa Washington ngadto sa Israel.
Kini nga deployment kabahin sa mas lapad nga U.S. military buildup sa Middle East, nga miresulta usab sa pagpabakwit sa mga Amerikano gikan sa Iraq.
Gani, gitugotan na usab sa U.S. Embassy sa Israel ang pagbiya sa ilang mga non-essential personnel samtang nagkainit ang sitwasyon sa rehiyon.