Gisaulog sa Catholic Bishops’ Conference of the Philippines kon CBCP ang serye sa pagbisita ni Pope Leo XIV, sa Pilipinas pipila na ka tuig sa wala pa kini napili isip Santo Papa.
Kahinumduman nga mibisita si Pope Leo XIV, nga kaniadto nailhan isip si Father Robert Prevost, isip Intermediate General Chapter sa Order of Saint Augustine sa Metro Manila niadtong Setyembre, 2010.
Gisaysay sa mga personahe sa maong kalihukan ang katahum sa gibuhat niini sa maong lugar ug gibendisyunan usab matud pa niini ang Augustinian Friary sa Mohon, Talisay City, ug mitungha sa mga kalihokan sa mga lungsod sa Cebu.
Gihagit ni Archbishop Socrates Villegas, kanhi presidente sa CBCP ug Arsobispo sa Lingayen-Dagupan, ang mga Katoliko nga dili tan-awon ang gigikanan, ug nasyonalidad o kon politika ba kaha ang hinungdan sa iyang paghkapili kun dili dawaton si Pope Leo XIV sa ilang sa ilang bug-os nga kasingkasing isip Santo Papa.
Gipangayo ni Villegas nga undangon na ang pag-label sa Santo Papa isip liberal o konserbatibo ug giduso nga dawaton siya uban sa pagsalig ug pagtoo.Gipahinumdoman usab sa Arsobispo ang mga tumutuo nga ang pag-ila sa Santo Papa usa ka paagi sa pagsunod kang Hesukristo.
Gituohan ni Villegas nga si Pope Leo XIV usa ka grasya gikan sa Diyos aron magiyahan ang simbahan ug ang mga tumutuo paingon sa Diyos.