Mukabat sa Php 520,284.96 ang kinatibuk-ang kantidad sa standard drug price alang sa nakumpiskang 76.50720 gramo sa Shabu ug marijuana gikan sa 22 ka suspetsado nga nasikop sa operasyon batok illegal nga droga sa Bukidnon Police Provincial Office.
Gisundan kini sa kantidad nga Php 133,384.00 alang sa 3,902.00 board feet nga illegal nga kahoy diin 12 ka persona ang malampusong nadakpan sa kampanya batok illegal logging.
Sa kinatibuk-an, nakapahigayon ang kapulisan og 81 ka operasyon sulod sa usa ka semana nga miresulta sa pagkasikop sa 71 ka indibidwal sa tibuok probinsya. Lakip sa mga nasikop ang 18 ka Other Wanted Persons ug 4 ka Most Wanted Persons, samtang 6 ka loose firearms usab ang nakumpiska gikan sa usa ka dinakpan.
Gawas niini, tag-unom (6) ka suspetsado ang nasikop sa managlahing operasyon batok sa smuggled nga sigarilyo ug illegal fishing. Aduna usab usa ka persona ang nadakpan sa illegal gambling isip bahin sa hugot nga kampanya alang sa kahapsay ug kalinaw.
Kini nga mga accomplishment nagpakita sa intensified operations sa Bukidnon PPO ubos sa temang “Bagong PNP para sa Bagong Pilipinas” uban sa kooperasyon sa komunidad.