Hingpit nga gi-atangan ni Atty. Kristina Conti ug ang mga biktima sa EJK ang confirmation of charges hearing sa International Criminal Court (ICC) batok sa kanhing Pangulong Rodrigo Duterte sa kaso nga crimes against humanity.
Sumala sa kampo niini, kompyansa sila nga mahatod nila sa korte ang tingog sa mga biktima sa Duterte drug war.
Katuyuan nila ang pagpaminaw sa mga ipahayag sa Prosecution, Victims’ Legal Counsel, ug Defense, ug masiguro nga madungog ang mga panan-aw ug kabalaka sa mga biktima.
Matud ni Conti nga lain ang proseso sa ICC tandi sa sa Pilipinas, ug kini usa ka hagit apan makapainteres, gumikan makita niini ang overlap sa tanang hurisdiksyon ug giingon sa ICC nga kini “distillation of all the best practices in all countries.”
Mahitungod sa disclosure sa lesser-redacted version sa dokumento nga naglangkob sa charges, matud pa nga kini konektado sa umaabot nga hearing aron mas masabtan sa publiko ang modus operandi sa krimen ug malikayan ang sayop nga interpretasyon nga pamulitika.
Sa sobra napulo ka tuig nga preparasyon sa kaso, giila niya nga lahi ang sitwasyon karon, nga makaapil sa usa sa mga kritikal nga higayun sa kasaysayan sa kaso.