EJ Obiena, naangkon sa labing unang higayon ang bulawang medalya atol sa PATAFA Pole Vault Challenge! 

Midaog ang Filipino pole vault star Ernest John “EJ” Obiena sa labing unang higayon sa PATAFA Pole Vault Challenge nga gipahigayon sa Vermosa Sports Hub sa Cavite.

Nagmalampuson si EJ sa 5.80 meters nga gitas-on sa pole,bisan pa mibundak ang kusog nga ulan.

Gipildi ni Obiena si Yan-Han Wu gikan sa Taipei nga nakalahutay og 5.15 meters aron makuha ang silver medal.

Samtang ang iyang laing kaatbang nga si Hokett Delos Santos nga kauban sa team sa Pilipinas, nakaangkon usab og bronze human sa pag-clear sa 5.15 meters pinaagi sa countback.

Giuli sa Filipino pole vault star ang dakong ngisi kini human nahimong malipayon gumikan sa kadaugang naangkon.