P1.6 billion pinakadako nga kita sa kasaysayan sa Box Office

Gi-proklama isip Box Office Queen ug King sa 2024 Kathryn Bernardo ug Alden Richards sa Cinema Exhibitors Association of the Philippines (CEAP), human sa dakong kalampusan sa pelikulang “Hello, Love, Again.”

Gipahibalo ang impormasyon pinaagi sa social media post sa ilang mga agency niadtong Mayo 6.

Si Alden nakadawat sa tropeo, apan wala nakatungha si Kathryn sa maong event gumikan sa hectic nga iskedyul niini.

Gihatagan usab og pasidungog sa CEAP ang pelikula tungod sa nakuha nga kita niini nga mikabat sa P1.6 billion, nga gihimong pinakadako nga kinitaan sa kasaysayan sa pelikulang Pilipino.

Ang “Hello, Love, Again” usa ka sequel sa “Hello, Love, Goodbye” nga gipagawas niadtong 2019.