Gipahibalo sa Department of Energy (DOE) nga adunay laing hugna sa pagsaka sa presyo sa lana nga mahitabo karong Martes, Pebrero 17, 2025. Kini na usab ang mupahugot sa bakos sa mga motorista tungod sa gipaabot nga dugang-presyo sa mga produktong petrolyo. Base sa monitoring sa merkado sa miaging semana, gibanabana ang mosunod nga pagsaka:
- Gasolina: Mahimong mosaka sa P1.00 matag litro.
- Diesel: Adunay pagsaka nga mga 10 sentimos matag litro.
- Kerosene: Gipaabot nga mosaka og mga 25 sentimos matag litro.
Sumala sa DOE, ang nag-unang rason niining pagsaka mao ang tensyon sa politika didto sa Iran nga nakaapekto sa suplay sa lana sa tibuok kalibutan. Gawas niini, ang pagpamalit og daghang suplay sa China isip pagpangandam sa Chinese New Year nakadugang usab sa pagsaka sa presyo sa merkado. Ang pinal nga kantidad sa pagsaka, kumpirmahon pa karong adlawa, Lunes, sa dili pa kini hingpit nga ipatuman sa mga kompanya sa lana ugmang adlawa.