Nasakmit sa Denver Nuggets ang kadaugan human sa tulo ka sunod-sunod nga kapildihan, human niini gipildi ang Chicago Bulls sa iskor sa 136-120 sa Sabado gabii sa Chicago kon pasado 9:00 sa buntag sa oras sa Pilipinas, Pebrero 8, 2026.
Nanguna si Nikola Jokic sa team human nakuha ang 22 puntos, 17 assists, ug 14 rebounds, nga mao ang ikaduhang triple-double sa duha ka sunod-sunod nga dula ug ika-19 sa season.
Samtang si Jamal Murray usab nakatampo og 28 puntos ug 11 assists, samtang si Tim Hardaway Jr. nakadugang og 23 puntos.
Alang sa Bulls, si Matas Buzelis, nakakuha og 21 puntos ug si Collin Sexton 17 puntos. Nag-una ang Bulls sa iskor nga 104-97 human sa ikatulong quarter, apan gisuklan kini sa Denver sa ika-upat nga quarter pinaagi sa 20-2 nga run nga gihuman ni Jokic ug Julian Strawther sa sunod-sunod nga 3-pointers ug nasakmit ang kadaogan sa iskor nga 136-120.