Nadakpan sa mga awtoridad ang usa ka indibidwal nga nailhan sa alyas “Makoy” atol sa buy-bust operation nga gilusad sa Purok 4A, Barangay Poblacion, Dakbayan sa Valencia kagahapong adlawa, human makuhaan og gituohang iligal nga droga nga gibana-banaang nagkantidad og Php 35,360.
Ang nadakpan usa ka 38 anyos, adunay live-in partner, mekaniko, ug residente sa Barangay Lilingayon, Dakbayan sa Valencia.
Mitabang sa operasyon ang City Anti-Drugs Special Unit Team (CADSUT) ubos sa buhatan sa City Mayor, kauban ang Provincial Intelligence Unit (PIU) Bukidnon aron masiguro ang kalampusan sa operasyon batok sa iligal nga droga.
Ang dinakpan anaa na karon sa kustodiya sa kapulisan alang sa hustong disposisyon ug sa pagpasaka sa angayang mga kaso batok kaniya.