Presyo sa produktong petrolyo mukunhod sunod semana

Mukonhod ang  presyo sa produktong petrolyo sa  sunod semana.

Sumala sa Department of Energy (DOE), ang presyo sa gasolina gibana-bana nga mukunhod sa gamay nga presyo gikan sa P0.25 hangtod P0.70 kada litro.

Samtang ang diesel mahimo usab nga makasinati og pagkunhod nga moabot sa P0.30 hangtod P0.80 kada litro, ug ang kerosene gilauman nga kunhod og P0.50 hangtod P0.70 kada litro.

Ang hinungdan sa maong pag-ubos sa presyo mao ang sobra nga suplay sa merkado.

Karong adlawa mahibal-an ang eksaktong kantidad sa pag-ubos sa presyo, ug kasagaran kini ipatuman sa adlawng Martes.