Nakakumpiska ang Police Regional Office 10 kon PRO-10 og P10,296,603 nga kantidad sa mga kontrabando ug nakadakop og 193 ka mga indibidwal atol sa usa ka semanang operasyon niini, sugod Enero 9–15, 2026.
Sa kampanya batok illegal nga droga, adunay 77 ka mga suspetsado ang nadakpan ug 877.9 gramos sa shabu ug 45.0 gramos sa marijuana nga nagkatidad og P5,975,120 ang nakumpiska.
Sa illegal nga sugal, adunay 40 ka indibidwal ang nadakpan ug P13,028 nga kantidad sa mga gamit ang nakumpiska.
Samtang, adunay 60 ka wanted persons ang nadakpan, lakip na ang usa ka Most Wanted Person.
Sa Kontra Boga, adunay upat ka indibidwal ang nadakpan ug 13 ka armas ang nakumpiska.
Dugang pa, usa ka indibidwal ang nadakpan sa illegal nga operasyon sa pagmina ug adunay P23,255 nga kantidad sa mga gamit ang nakumpiska.
Sa kampanya batok smugged nga sigarilyo, adunay 11 ka indibidwal ang nadakpan ug P4,285,200 nga kantidad sa kontrabando ang nasakmit.