Misaka na sa 32 ang ihap sa nakalas sa pagdahili sa basura sa Cebu

Misaka na sa 32 ka tawo ang kumpirmadong patay sa pagdahili sa nagtapok nga basura sa Binaliw Landfill sa Cebu City, base sa pinakabag-ong taho karong adlawa.

Padayon pa ang search, rescue, ug retrieval operations, samtang 18 ka indibidwal ang naluwas ug ginatambalan sa balay tambalanan.

Tungod sa trahedya, gideklarar sa Cebu City Council ang state of calamity ug ang Enero 16 isip Day of Mourning.

Nagpagawas usab ang DENR-Central Visayas og cease-and-desist order batok sa landfill operator samtang nagpadayon ang imbestigasyon.