Nasiplatan ngadto sa mga kawani sa Provincial Environment and Natural Resources Office – Bukidnon, ang usa ka langgam nga gi-turn over sa usa ka lalaki nga giilang si Roy Echeveria, residente sa P5, Barangay Linabo, Malaybalay City.
Matod ni Echeveria nga usa ka semana na niya nga giatiman ang maong langgam gumikan nabantayan niiini nga nagluya kini gumikan sa sakit. Gidala dayon ni Echeveria ug sa iyang mga higala ang langgam nga ilang nakita ug giatiman sa Kaamulan Provincial Zoo, aron susihon sa Veterinarian ug mahatagan og tukmang medikasyon ang nasamdan nga langgam.
Kasamatangang gaimbestiga ang ahensya sa pagamhanan gumikan sa maong panghitabo aron masuta unsa ang mga dugang detalye.
Sa laing bahin, giawhag sa otoridad ang publiko nga likayan ang pagdaot ug pagdakop sa mga wild-life species labi na sa panahon sa ting-init ug magreport sa gobyerno kon dunay makita o nahibal-an nga mga kalihokan nga naglambigit sa kinaiyahan.