Gitahasan na sa Office of the Ombudsman ang espesyal Task Force on Flood Control Scandal nga tutukan ang mga proyektong gikatakdang makatabang sa pagpakunhod sa epekto sa Bagyong Tino.
Sa opisyal nga pamahayag sa Ombudsman, gipasiugda niini nga himuon nilang prayoridad ang imbestigasyon sa mga proyekto nga palpak o wala natuman sa panahon nga mitungha ang kalamidad.
Gisiguro usab sa ahensya nga padayon ang imbestigasyon aron mapanubag ang mga nalambigit sa maanomalyang proyekto.
Gipadayag usab sa Ombudsman ang iyang pakig-ambit ug kasubo alang sa mga biktima ug naapektuhan sa maong kalamidad, ug nagpasalig nga buhaton ang tanan aron makab-ot ang hustisya ug hunungon ang korapsyon sa nasud.
Apan, nagpahayag usab og pagpahimangno ang mga militanteng grupo nga nagtigom sa Office of the Ombudsman aron batikuson ug ipaabot ang pagka-selective sa aksyon sa ahensya.
Sumala ni Mong Palatino, Secretary General sa Bagong Alyansang Makabayan, nga “selective justice” lamang ang nagpadayon karon ug kinahanglan adunay tinuod nga manubag, labi na sa bahin sa Cebu nga grabeng nadaot sa pagbaha human sa bagyo.
Samtang si Albert Pascual sa Health Alliance for Democracy misuporta sa maong panawagan, nga wala pilion sa pagpanubag bisan pa mga taas nga opisyal sa gobyerno lakip na ang mga konektado sa Malacañang o mismo si Pangulong Ferdinand ‘Bongbong’ Marcos Jr.