Gipanghimakak ni Davao City Representative Paolo “Pulong” Duterte ang alegasyon nga adunay ghost flood control projects sa iyang distrito. Kini human sa pamahayag ni ACT Teachers party-list Representative Antonio Tinio, nga giingong daghang maanomalya nga proyekto sa flood control sa unang distrito sa Davao.
Matod ni Duterte, na-implementa ang tanan niyang flood control projects sa Davao ug Matina River, ug gisusi kini mismo sa Department of Public Works and Highways (DPWH) ug Commission on Audit (COA). Gipasanginlan usab niya si Tinio nga gusto lang makakuha og atensyon pinaagi sa pagpanglimbong sa publiko.
Dugang pa, base sa datos nga gihatag ni Tinio, adunay 121 ka kontrata gikan 2019 hangtod 2022 nga giingong maanomalya, nga nagkantidad og P4.35 bilyon sa unang distrito sa Davao City.