Giangkon sa kontraktor nga si Pacifico “Curlee” Discaya ll atol sa pagdungog sa INFRACOM hearing gahapong adlawa, nga aduna matud pay nangayo sa ilaha og kickbacks gikan sa milabayng administrasyon ni kanhi Rodrigo Duterte.
Apan gipaambit ni Discaya ll nga wala nila kini tuguti gumikan hugot ug istrikto kaniadto ang kanhing administrasyon, dili sama karon nga dali lang magpatuman og 3 strike policy, diin sanglit tulo ka beses nadiskwalipikar ang kontratista nga automatic blacklisted na kini, apan gahatag matud pa sila og diyaryo o pangpalipay niini.
Subay sa maong pamahayag, gikwestiyon gilayon kini ni Batangas 2nd District Representative Girville Jane Luistro nganong wala gigamit sa mga Discaya ang maong pamaagi sa kasamtangang administrasyon.
Gidugang usab ni Luistro ang pangutana ngano wala kini gilakip sa mga Discaya nga pamahayag sa unang adlaw nga pagdungog sa komite.