Gisuportahan ni Presidente Ferdinand Marcos Jr ang sugyot nga ablihan sa publiko ang bicameral conference committee (BICAM) sa paghisgot sa 2026 proposed national budget.
Matud ni Palace Press Officer Usec Claire Castro, gusto ni Presidente Marcos Jr nga mahimong transparent ang paghisgot aron makita sa katawhan nga dili sayangon o abusohon ang pondo sa nasod.
Kahinumduman mibutyag ang Presidente nga andam siya i-veto ang 2026 national budget kung makakita siya og anomalya.Gisulti ni Castro nga seryoso ang Presidente sa pag-veto sa proposed 2026 budget kung magpadayon ang mga anomalya sa mga insertion sa pondo.
Gidugang pa ni Castro nga gipaningkamtan ug gisusi pag-ayo ang 2026 budget ug dili basta-basta ang paghimo sa budget alang sa National Expenditure Program.Gipunto usab ni Castro nga dili angay abusohan ang power of the purse sa Kongreso.