Patay ang usa ka lalaki samtang tulo ang naangol sa tuló ka insidente sa pagpangdunggab nga nasaksihan sulod lamang sa usa ka gabii ning lalawigan sa Bukidnon.Nahitabo ang unang insidente niadtong Hulyo 31, alas 5:15 sa hapon sa Purok 1, Lindongawan, Sitio Bagaay, Kalabugao, Impasugong, Bukidnon.
Samdan ang usa ka lalaki sa likod na bahin human makigsumbagay sa usa ka silingan. Gisuspetsahan nga nagsugod ang panagbangi atol sa mainit nga panagsangka nga nagresulta sa pagpangdunggab. Nasikop kani ang maong suspek pinaagi sa hot pursuit operation sa kapulisan.
Sa laing bahin usab sa pagpangdunggab na insidente na nahitabo sa Barangay Lampanusan, Kalilangan, Bukidnon sa susamang adlaw alas 8:55 sa gabii. Gikasab-an matod pa sa uyuan nga lango ang pag-umangkon, human misangpot sa paglaban sa amahan hinungdan sa panagbangi dayun kani gidunggab sa abaga ug palad niini.
Gisundan pa kini sa ikaduhang pagdunggab sa dughan ang maong biktima sa iyang kaugalingong igsoon. Girespondehan sa barangay rescue ang biktima ug gidala sa ospital, samtang nasikop ang duha ka suspetsado ug nahimutang na sa kustodiya sa Kalilangan MPS.
Sa alas 9:00 sa gabii, susamang adlaw usab nahitabo ang ikatulo nga insidente sa Purok 8, Barangay Kiara, Don Carlos. Usa ka lalaki nga hubog ang unang misulong ug dalang kutsilyo, apan napugos ang suspetsado sa pagpanalipod sa kaugalingon ug midunggab balik gamit ang improvised knife. Gisulayan pa nga dalhon ang biktima sa balay tambalanan apan gideklarar kini nga dead on arrival.
Padayon ang hot pursuit operation sa kapulisan alang sa suspetsado. Gipasiugda usab sa Bukidnon Police Provincial Office ang publiko sa pagtinabangay tali sa komunidad ug kapulisan aron mapadayon ang kalinaw ug kahapsay sa probinsya.