Tingkagol sa prisohan ang usa ka gilangkoban og kasong murder nga giilang Top 1 Most Wanted Person sa municipal level human kini masikop sa gipahigayon nga manhunt operation sa Bukidnon.
Gikumpirma ni PCOL Jovit L. Culaway, Provincial Director sa Bukidnon Police Provincial Office, ang kalampusan sa operasyon nga nagresulta sa pagkadakop ni Garry Gayahay y Sambalon alias “Ayang Laguinda”, 30 anyos, minyo, ug residente sa Purok 5, Barangay Dominorog, Talakag, Bukidnon. Si Gayahay maoy giingong responsable sa usa ka pagpamusil niadtong Hulyo 24, 2025.
Nasikop kini pinaagi sa warrant of arrest alang sa kasong murder ilawom sa Article 248, Revised Penal Code, uban sa Criminal Case No. 21-12-7564 nga gipagawas niadtong Enero 3, 2024. Walay piyansa ang girekomenda sa maong kaso.
Nadakpan kini sa Barangay Everlasting Village, Pangantucan, Bukidnon niadtong milabang adlaw sa alas 2:24 sa hapon, pinaagi sa coordinated operation sa mga otoridad. Ang akusado anaa na sa kustodiya sa Pangantucan MPS alang sa dokumentasyon ug pormal nga legal nga proseso.