- Advertisement -
Nalisang ang mga residente sa Purok 2 North, Barangay Poblacion, Maramag, Bukidnon human misilaob ang usa ka compound sa panimalay pasado alas 5:35 sa hapon kagahapong adlawa (Hulyo 26, 2025), nga miresulta sa kadaut sa kabtangan.
Sumala sa taho ni PCOL Jovit L. Culaway, Provincial Director sa Bukidnon PPO, nga ang nasunogan gipanagiyahan sa tulo ka lalaki ug residente sa maong lugar. Gideklarar nga fire out ang sunog alas 5:40 sa hapon sa samang adlawa,ug walay sanglit nahilakip nga napasakaan o nasamdan sa nahitabong insidente.
Padayon ang imbestigasyon sa BFP Maramag aron matino ang tinubdan sa sunog ug matuki ang gibanabana nga kantidad sa kadaut. Nagpaabut usab ang Maramag MPS sa opisyal nga report sa BFP kabahin sa maong hitabo.
- Advertisement -