HomeUncategorizedSen. Pangilinan giduso ang pagpatuman sa kasabutan sa DA ug PSA aron...

Sen. Pangilinan giduso ang pagpatuman sa kasabutan sa DA ug PSA aron malikayan ang sobra nga importasyon

- Advertisement -

Gidasig ni Senador Francis “Kiko” Pangilinan ang Department of Agriculture–Bureau of Plant Industry (DA-BPI) ug Philippine Statistics Authority (PSA) nga humanon ug ipatuman na ang ilang Memorandum of Agreement (MOA) atol sa usa ka pagdungog sa komite sa Senado, uban ang mga opisyal sa DA ug uban pang may kalabutan nga ahensya.

Dugay na nga gireklamo sa mga lokal nga magsasaka ang dungan nga pagbaha sa mga imported nga produktong agrikultural sama sa bigas ug sibuyas sa merkado, ilabi na panahon sa anihan, nga maoy hinungdan sa pagkahugno sa farmgate price ug pagkalugi sa ilang panginabuhi.

Pinaagi sa gipasiugdahan nga kasabutan, ibase na sa DA-BPI ang pagpagawas sa import permits sa aktuwal ug opisyal nga datos sa PSA bahin sa lokal nga ani ug suplay, aron malikayan ang sobra-sobra ug sayop nga tiyempo sa importasyon.

- Advertisement -

Sa maong pagdungog, gibalik paghisgot ang panginahanglan alang sa mas hugot nga koordinasyon ug data-sharing tali sa mga ahensya sa gobyerno aron mapanalipdan ang panginabuhi sa mga magsasaka samtang gisiguro ang igong suplay sa pagkaon sa nasud.

Agi og tubag sa panawagan ni Pangilinan, gikumpirma sa mga representante sa mga hingtungdan nga ahensya nga napirmahan na nila ang maong kasabutan ug naghulat na lang sa iskedyul alang sa ceremonial signing sa dili pa kini hingpit nga ipatuman.

Gilauman nga sa higayon nga pormal nang ilusad kining kasabutan, mahimong mas sistematiko ug nakabase sa aktuwal nga panginahanglan ang pag-angkat sa mga produktong agrikultural.

- Advertisement -

Kini usa ka lakang nga dugay na nga gipangayo sa sektor sa agrikultura aron dili na maipit sa kalisud ug pagkalugi ang mga lokal nga magsasaka.

- Advertisement -
RELATED ARTICLES
- Advertisment -

MORE NEWS