HomeLocal NewsMayor sa San Fernando, gipanghimakak ang isyu kalabot ₱50 nga burial assistance!

Mayor sa San Fernando, gipanghimakak ang isyu kalabot ₱50 nga burial assistance!

- Advertisement -

Hugot nga gipanghimakak ni San Fernando, Bukidnon Mayor Rogelio Yeke nga gikan sa pondo sa lokal nga kagamhanan ang singkwenta pesos{P50.00) nga nadawat sa usa ka inahan nga nangayo og burial assistance alang sa namatay niyang anak nga Person with Disability o PWD, human miuyog ang mga batikos batok sa iyang administrasyon kalabot sa maong isyu.

Atol sa press conference, gipatin-aw ni mayor Yeke nga gikan sa personal nga solisitasyon sa mga kawani sa Sangguniang Bayan ang maong kantidad ug dili gikan sa pondo sa iyang opisina. Matud pa niini, gisunod sa iyang administrasyon ang mga rekisitos ug proseso sa paghatag og pinansyal nga tabang subay sa regulasyon sa Commission on Audit o COA.

Dugang pa niini, nahurot na matud pa ang pondo alang sa financial assistance niadtong higayona nga nangayo og tabang ang maong inahan, ug naghulat pa sa sunod nga supplemental budget allocation. Samtang, giklaro ni Barangay Palacpacon Captain Alberto Osahita nga miduol una sa ilang barangay ang maong inahan aron mangayo lamang og Certificate of Indigency nga gamiton sa pagproseso sa assistance.

- Advertisement -

Gipaambit usab sa Kapitan nga mamahimo niining tabangan ang maong inahan kung moduol sa iyaha aron ma-refer sa tukmang buhatan apan wala matud pa kini nakaadto ug gibutyag nga dili kanunay nagpuyo ang maong indibidwal sa ilang dapit.

Sa pikas bahin gibutyag usab ni Mayor Yeke nga nakadiskubre ang ilang opisina og mga pamaagi sa pagpangilad sa pagpangayo og pinansyal nga tabang, diin gigamit usab ang mga pasyente isip kabahin sa giingong modus.

Busa hugot usab ang ilang pagbantay aron mahatag ngadto sa tukmang tawo nga nangihanglan ang hinabang gikan sa panudlanan.

- Advertisement -

Gani tungod sa maong isyu nga nag-viral online, nangayo og pasaylo sa mayor ang igsuon sa inahan nga maoy nag-post og hulagway human miuli nga P50.00 lamang ang dala niini ug ang hinungdan sa ilang pagkadismaya.

Kahinumduman usab nga giklaro usab sa buhatan sa department of Social welfare and Development Field Office 10 pinaagi ni Ms. Rosheil M. Galia nga nahatagan sa og Burial assistance ang maong inahan s awala paman nag-viral ang maong post online.

- Advertisement -
RELATED ARTICLES
- Advertisment -

MORE NEWS