Nadakpan sa hiniusang operasyon sa kapulisan ang 21-anyos nga lalaki nga gikonsiderang Top 1 Most Wanted Person sa provincial level ug Top 4 sa municipal level tungod sa kasong murder sa Purok 7, Barangay Kibangay, Lantapan, Bukidnon.
Gipahigayon ang operasyon sa Lantapan Municipal Police Station, 1st Bukidnon Provincial Mobile Force Company ug Provincial Intelligence Unit sa Bukidnon Police Provincial Office.
Gidala na sa kustodiya sa Lantapan Municipal Police Station ang dinakpan human ipatuman ang warrant of arrest batok kaniya alang sa kasong murder nga walay girekomendar nga piyansa.

