Kumpiyansa ang kampo sa prosekusyon sa ilang mga ebidensiya batok kang Vice President Sara Duterte, human gikwestiyon sa mga senator-judges ang testimonya sa pipila ka witness sa defense panel atol sa impeachment trial sa subling pagbukas niini sa pagdungpg kagahapong adlawa.
Matud ni former Representative Robert Ace Barbers, spokesperson sa prosecution panel, huyang ang pipila ka gipresentar nga testigo sa depensa ug wala kini makapapahuyang sa ilang mga ebidensiya.
Gipunting usab ni Barbers nga anaa na sa depensa ang higayon nga ipresentar ang ilang kaugalingong mga testigo ug ebidensiya sa pag-atubang sa mga alegasyon batok sa Bise Presidente.
Dugang pa niini, ilang pagtan-aw nga wala makahatag og igo nga kontra-ebidensiya ang depensa aron mapanghimakak ang mga gipresentar sa prosecution panel.
Nagtuo usab ang kampo sa prosecution panel nga dili basta-basta mapanghimakak sa depensa ang ilang mga ebidensiya, bisan pa sa pagpresentar niini og kaugalingong mga testigo ug gani wala na gipresentar ang uban pang mga saksi sa pagtuo nga makadugang og komplikasyon sa paglatid og ebidensiya sa depensa.

