Gipildi sa Utah Jazz ang Los Angeles Lakers, sa iskor nga 109-97, aron tapuson ang siyam ka sunod-sunod nga kadaugan sa Lakers sa ilang panag-atbang niadtong Nobyembre 18.
Nanguna si Keyonte George sa Jazz human nakapuntos og 30, samtang nakatampo si Ace Bailey og 19 ka puntos, diin 10 niini nakuha sa katapusang quarter.
Alang sa Lakers, nakatala si Luka Doncic og 29 ka puntos, apan nakamugna usab kini og siyam ka turnovers ug duha lamang ka three-pointers gikan sa 12 ka attempts. Tungod sa maong kapildihan, natapos usab ang iyang sunod-sunod nga 11 ka dula nga nakatala og labing menos 30 puntos.
Nagpabiling dikit ang panagsangka sa unang tulo ka quarters, apan mikamada ang Utah sa katapusang quarter pinaagi sa 15 sunod-sunod nga puntos aron makuha ang bentaha ug maselyohan ang kadaugan.
Sunod nga atubangon sa Jazz ang Phoenix Suns, samtang makigsangka usab ang Lakers batok sa Sacramento Kings sa Biyernes.

