Tulo ka tanker sa lana, nasunog sa Strait of Hormuz

Nasunog ang tulo ka tanker sa langis samtang naglawig sa Strait of Hormuz, taliwala sa nagpadayong tensiyon ug higpit nga pagbantay sa estratehikong agianan sa Middle East.

Sumala sa Islamic Revolutionary Guard Corps (IRGC) sa Iran, giingong miagi ang maong mga barko sa mga ruta nga wala gitugotan sa ilang gobyerno.

Nagtaho usab ang mga ahensya sa maritime sa Britanya ug media sa United Arab Emirates bahin sa susamang mga insidente sa sunog ug pag-atake sa mga barko, nga miresulta sa pagluwas sa 22 ka tripulante.

Nagpadayon ang higpit nga pagbantay ug mga restriksyon sa paglawig sa maong agianan tali sa Estados Unidos ug Iran sukad misugod ang panagbangi.