Supreme Court, mipabor sa pagpalugway sa termino sa barangay ug SK officials hangtod 2028

Gikumpirma sa Korte Suprema ang konstitusyonalidad sa Republic Act 12326 nga nagpalugway sa termino sa mga opisyal sa barangay ug Sangguniang Kabataan gikan sa upat ngadto sa lima ka tuig.

Matud ni Atty. Danilo Dividina, dili kini pag-postpone sa eleksiyon kondili pagpalugway lamang sa termino sa mga incumbent officials.

Gipasabot ni Dividina nga gahum sa Kongreso ang pag-usab sa iskedyul sa barangay ug SK elections pinaagi sa pag-amendar sa balaod.

Samtang, magpadayon sa ilang katungdanan ang mga opisyal hangtod matapos ang ilang gipalugway nga termino.

Gilauman nga sa Nobyembre 13, 2028 ipahigayon ang sunod nga barangay ug SK elections.