Mipasalig si Dr. Antonio Miguel Prantilla, chief of hospital sa Bukidnon Provincial Medical Center (BPMC), nga dili maapektuhan ang sweldo sa mga empleyado nga na-deploy o na-reassign sa provincial government ug mga local government unit.
Matud pa ni Frantilia, nagpadayon ang pagproseso sa payroll sa mga empleyado pinaagi sa provincial capitol, lakip ang pagsunod sa mga dokumentong gikinahanglan aron mapagawas ang ilang sweldo.
Matud pa sa opisyal, ang mga kalangan sa pagpagawas sa sweldo kasagarang may kalabotan sa pagproseso sa mga dokumento sama sa leave ug daily time record o DTR.
Gibutyag usab ni Prantilla nga mikabat na sa 237 ang kinatibuk-ang pasyente nga anaa sa BPMC base sa ilang census.
Samtang, gipaandam sa hospital ang publiko sa posibleng pagtaas sa mga kaso sa high blood pressure, diabetes, pulmonya ug stroke panahon sa kapaskuhan, diin giawhag ang tanan nga magbantay sa ilang kahimsog.