Nangandam na ang House prosecution panel alang sa pag-cross-examine kang Bise Presidente Sara Duterte ug sa iyang bana nga si Atty. Mans Carpio sa pagpadayon sa impeachment trial sa Senado karong Nobyembre 9.
Gipadayag ni lead prosecutor ug Batangas Representative Gerville Luistro nga ilang gisusi pag-ayo ang mga Statement of Assets, Liabilities and Net Worth (SALN), Income Tax Returns (ITR), ug mga bank record sa magtiayon aron suportahan ang Article 2 nga may kalabotan sa giingong dili maipasabot nga bahandi o unexplained wealth. Gipasabot usab ni Luistro nga gitinguha nilang mapadali ang proseso aron dili na kini molungtad pa sa mosunod nga mga tuig.
Dugang pa sa opisyal, kon ugaling dili na magamit sa impeachment trial ang ubang ebidensiyang nakalap sa National Bureau of Investigation (NBI), mahimo kining itugyan sa Department of Justice ug Office of the Ombudsman alang sa posibleng pagsang-at og laing legal nga kaso.