Komedyanteng si Ate Gay, mitaliwan sa edad nga 55

Gibati sa kasubo sa showbiz industry ang pagkamatay sa komedyante ug impersonator nga si Gil Aducal Morales, mas nailhan nga si Ate Gay, nga mitaliwan sa edad nga 55, sumala sa kumpirmasyon sa iyang pamilya.

Gidala sa ospital si Ate Gay niadtong Oktubre 17 tungod sa grabeng kalisod sa pagginhawa, diin misamot pa ang iyang kahimtang human ma-stroke ug makasinati og komplikasyon. Gikumpirma usab kaniadto sa komedyante ang iyang pakigbisog batok sa Stage 4 cancer, diin naghimo pa kini og living funeral niadtong miaging bulan.

Sa laing bahin, nagpasalamat ang pamilya ni Ate Gay sa tanang naghatag og suporta, pag-ampo ug tabang sa komedyante sa iyang kataposang mga adlaw.