Gikonsiderar ni retired Supreme Court Justice Antonio Carpio nga sayo pa ang petisyon sa pipila ka senador nga nagkuwestiyon sa voting threshold sa impeachment trial, tungod kay wala pa man aktuwal nga botohan sa Senado kalabot sa conviction o acquittal.
Gipasabot ni Carpi nga adunay legal standing ang maong isyu, apan angay lamang kining kuwestiyonon human mahibal-an kung giunsa pag-ihap sa mga boto. Ang petisyon gisang-at nila Senators Robin Padilla ug Bong Go, nga misupak sa interpretasyon nga ang mga senador lamang nga present ug makahimo sa pag-apil ang pagaisipon sa botohan.
Sa laing bahin, nangayo ang Korte Suprema og komento kalabot sa petisyon, human una kining ibasura tungod sa kakulang sa legal standing ug kay giisip usab nga premature. Matod ni Carpio, kinahanglan una mapamatud-an nga dili na premature ang isyu.