Gilauman sa Bangko Sentral ng Pilipinas (BSP) nga mosaka sa 7.1 hangtod 8.1 porsyento ang inflation rate sa nasud karong Oktubre tungod sa pagsaka sa presyo sa petrolyo, kuryente ug pamasahe.
Sa pahayag sa BSP ning Biyernes, Oktubre 30, posibleng mapugngan ang mas dakong pagsaka niini tungod sa pagkunhod sa presyo sa mga nag-unang produkto sama sa utanon, karne, bugas ug isda, gumikan sa igo nga suplay.
Matud sa BSP, padayon nilang bantayan ang mga datos sa inflation ug ang mga kalamboan sa Middle East, ilabina ang posibleng epekto niini sa ekonomiya sa nasud.
Niadtong Septyembre, natala sa 7.2 porsyento ang inflation rate. Sanglit mosaka kini sa 8.1 porsyento karong Oktubre, mao na kini ang pinakataas sulod sa tulo ka tuig sukad natala ang 8.6 porsyento niadtong Pebrero 2023.
Gikatakda nga ipagawas sa Philippine Statistics Authority (PSA) ang opisyal nga datos sa inflation alang sa Oktubre sa Nobyembre 5.