Gipalig-on sa Armed Forces of the Philippines (AFP) ang pagpalapad ug pagpalig-on sa kalinaw sa tibuok lalawigan sa Bukidnon pinaagi sa pakigtambayayong sa mga lider sa tribu, opisyal sa barangay, kanhing mga rebelde ug mga pamilyang naapektuhan sa kalihokan sa New People’s Army (NPA).
Kabahin niini ang tradisyonal nga pamaagi sa pagpasig-uli sa panaghiusa nga gitawag og “Panagsabwa,” diin gipahigayon ang ikaduhang panagtigom sa Barangay Can-ayan, Malaybalay City, kagahapon uban sa pagtambong sa nagkalainlaing ahensya sa gobyerno.
Sa pakighinabi sa Bombo Radyo Malaybalay kang Lt. Col. Jeorge Jallorina sa 8th Infantry Battalion, iyang gipunting ang kahinungdanon sa tradisyonal nga pamaagi sa pag-ayo sa panag-away ug pagpasig-uli sa panaghiusa aron mapadayon ang kalinaw sa komunidad.
Gipasabot usab sa opisyal nga pinaagi sa tradisyonal nga mga ritwal sama sa Panastas, Panangkil ug Pamutuwa, gitumong ang pagpasaylo ug pagpasig-uli sa panaghiusa tali sa kanhing mga rebelde, mga pamilyang naapektuhan sa insurhensiya ug militar.
Hugot matud pa ang paningkamot sa pagpalig-on sa kalinaw pinaagi sa “Panagsabwa,” nga nagtutok sa pag-ayo sa kasakit ug pagpasig-uli sa panaghiusa sa mga pamilyang naapektuhan sa mga pagpatay u