Nag-andam na ang lokal nga pangagamhanan sa Malaybalay City, Bukidnon alang sa posibleng epekto sa El Niño, ilabi na sa hulaw ug kakulang sa suplay sa tubig nga mahimong makaapekto sa mga residente ug sektor sa agrikultura.
Gipahibalo ni Malaybalay City Mayor Jay Warren Pabillaran nga nakahimo na og tigom ang City Disaster Risk Reduction and Management Council (CDRRMC) aron hisgotan ang mga lakang sa pagpangandam, apan gihulat pa ang pinal nga plano sa mga angay nga ahensya.
Gipasabot ni Mayor Pabillaran nga gipangandaman na sa CDRRMC ang mga lakang nga ipatuman aron mapakunhod ang posibleng epekto sa El Niño. Gihisgotan usab ang koordinasyon sa mga may kalabotang opisina ug ahensya sa pag-andam sa siyudad.
Lakip sa mga gihatagan og pagtagad ang suplay sa tubig, diin gikinahanglan ang koordinasyon sa Malaybalay City Water District ug ubang ahensya aron masiguro ang hustong pagpangandam kon mosamot ang hulaw.
Gihisgotan usab ang papel sa mga barangay ug mga opisina sa pangagamhanan sa pagpatuman sa mga lakang sa pagpangandam.