OPM singer Bamboo, nagpagawas og bag-ong kanta human sa 11 ka tuig

Nagpagawas og bag-ong kanta ang OPM singer nga si Bamboo human sa 11 ka tuig nga walay bag-ong kanta.

Ang bag-ong awit nga “Alon” naghisgot sa mga nag-unang isyu sa politika sa nasud.
Matud ni Bamboo, naamguhan niyang panahon na aron magpagawas pag-usab og bag-ong kanta.
Gipaambit usab sa singer nga gibati niya ang kasakit ug daghang emosyon samtang gihimo ang maong awit.

Gipasabot ni Bamboo nga bisan wala siya nagpagawas og bag-ong kanta sulod sa maong panahon, nagpabilin kining aktibo sa paghimo og mga konsiyerto sa gawas sa nasud ug pakigtambayayong sa ubang mga musikero.

Kahinumduman nga ang iyang katapusang gipagawas nga kanta kaniadtong 2015 mao ang “Bless The Mess.”