Pedestrian, patay human mabanggaan sa wala mailhing sakyanan

Patay ang usa ka 31-anyos nga lalaki human mabanggaan sa wala mailhing sakyanan samtang mitabok sa national highway sa Purok 5, Tugas, Barangay Kiburiao, Quezon, Bukidnon, kagahapong adlawa.

Gidala ang biktima sa Quezon Health Center Infirmary apan gideklarang patay na pag-abot.

Matud sa kapulisan, gikan sa Davao City ang maong sakyanan apan mipadayon sa wala mailhing direksyon human sa insidente.

Walay suga sa dalan ug CCTV camera sa lugar, samtang padayon ang imbestigasyon sa Quezon MPS aron mailhan ang sakyanan ug drayber nga nalambigit sa insidente.