Gisiguro sa Pinay tennis star nga si Alex Eala ang bronze medal alang sa Pilipinas sa women’s singles tennis sa 2026 Asian Games human natapos ang iyang kampanya sa semifinals nga gipahigayon sa Japan.
Napildi ang 21-anyos nga Pinay netter batok sa pambato sa China nga si Wang Xiyu sa tulo ka set sa score nga 3-6, 6-3, ug 6-2. Nagsugod og maayo si Eala diha sa unang set pinaagi sa pagpuntos ug pag-angkon sa 5-0 nga labaw hangtod nga nadaog kini sa score nga 6-3. Apan nakabawi ang Chinese netter sa ikaduha ug ikatulo nga set aron angkonon ang luna sa gold medal match.
Bisan pa man sa maong kapildihan, mopauli gihapon nga may bitbit nga dungog ang pambato sa nasud human gidugang ang maong medalya sa padayong kampanya sa Pilipinas sa maong prestihiyosong kompetisyon.